Instrua DVD pri orientala dancado en la libana stilo

MEISSOUN lernis la libanan dancstilon surloke ĉe diversaj instruistinoj kaj instruistoj, observis dancistinojn dum iliaj prezentadoj en Bejruto kaj studis ĝin jam de kelkaj jaroj per multaj videofilmoj.

En tiu ĉi video-kurso ŝi prezentas al Vi grandan elekton de tipaj libanaj paŝoj kaj movoj, kiuj estas resumitaj en 15 mallongaj kombinaĵoj, ordigitaj laŭ la grado de la komplikeco. La programo enhavas akcentigajn kaj molajn movojn, paŝojn, movojn de brakoj kaj kapo, turnojn kaj koksajn vibraĵojn. Kelkaj fragmentoj de la filmo videblas ĉi tie.

Apud la instrua parto, kiu priskribas kaj prezentas ĉiujn movojn detale, la disko enhavas ankaŭ trejnparton kun proksimuma longeco de 20 minutoj, en kiu sekvas la kombinaĵoj sen komentoj. Tiu parto plifaciligas la celkonscian trejnadon de la movoj.

La video finas per prezentado de MEISSOUN en sceneja kostumo.

Ĝi estas produktita per du kameraoj ĉe bona lumigo, la sono prilaborita por akiri laŭeble bonan kvaliton.

Tiu video plaĉos al Vi, se...
... Vi jam disponas pri bonaj kapabloj pri la orientala dancado kaj deziras plivastigi Vian provizon de esprimoj.
... Vi deziras eklerni novajn, interesajn kombinaĵojn, por enplekti ilin en Viaj propraj koreografioj.
... Vi alte taksas sisteman instruadon.
... Vi serĉas instruan videon en lingvo, por kiu ne ekzistas ampleksa materialo tiuspeca.

Tiu video ne tiom konvenas por Vi, se...
... Vi estas komencantino kaj deziras eklerni la bazajn movojn de la orientala dancado.
... Vi deziras per video eklerni kompletan koreografion.
... Vi interesiĝas senescepte nur pri egipta / turka dancstilo.

Ni ekipis la videon per ebleco, elekti inter la sekvaj lingvoj: germana, angla, franca, itala, hispana, svisgermana, Esperanto.

Daŭro: proksimume 60 minutojn

Prezo: Fr. 45.- / EUR 35.- / USD 45.- kaj sendo-kostoj.
(danclernejoj povas ricevi specifan rabaton laŭ demando)

Sube sekvas indikoj kaj mendoformulaĵo por la aĉeto rekte ĉe MEISSOUN. Kiu preferas la en Esperantujo kutimajn pagmanierojn, ekz. per UEA-konto, povas la DVD-ojn mendi - almenaŭ sampreze - en la retbutiko de Flandra Esperanto-Ligo.

butika vendado en Svislando

mendoj

Svislando - Eŭropo - mondo

Eŭropo

sendo-kostoj ene de Eŭropo:

1 DVD: 5 Euroj / 2 ĝis 5 DVD-oj: 9 Euroj / pli: laŭ demando

Loĝantoj de EU-ŝtatoj bv. peti la indikojn pri la bankkonto en Germanio.

Mendoj per PayPal kaj kreditkarto

mondo

sendo-kostoj ekster Eŭropo:

1 DVD: 7 USD / 2 ĝis 5 DVD-oj: 15 USD / pli: laŭ demando

Mendoj per PayPal kaj kreditkarto