Unterrichts-DVD für Orientalischä Tanz im Libanesischä Schtil Buchtanz Buuchtanz

D'MEISSOUN hät dä libanesischi Tanzschtil im Libanon bi verschidenä LehrerInnä glärnt, Tänzerinne bi Uftritt in Beirut beobachtät und scho sit einigä Johr uf villnä Video schtudiert.

I dem Video-Workshop präsentiert si Eu ä grossi Uswahl vo typisch libanesischä Schritt und Bewegigä, wo i 15 churzä Kombinazionä zämägfasst und noch Schwirigkeitsgrad abschtuft sind. S'Programm umfasst Akzänt, weichi Bewegigä, Schritt, Arm- und Chopfbewegigä, Draiigä und Schimmies. An churzä Iiblick git's do oder uf YouTube.

Näbed äm Unterrichtsteil, wo alli Bewegigä genau beschribä und zaigt wärded, gits au än Träningsteil vo öppä 20 Minutä, wo alli Kombinazionä ohni Kommentar ufänand folgäd. Das hät dä Vortail, dass d'Bewegigä guät chönd drillt wärdä.

S'Video isch mit 2 Kameras und guetäm Liächt gfilmt, dä Ton wird für ä möglichscht guäti Qualität nochbearbeität.

Diä DVD wird Dir gfallä, wänn...

... Du Dich für dä libanesischi Tanzschtil interessiersh - natürli!
... Du scho im Orientalischä Tanz güebt bisch und Dis Repertoire erwiiterä möchtsch.
... Du neui, interessanti Kombinazionen lernä möchtsch, zum sie in Dinä eigenä Choreografiä iibauä.
... Du än systematischä Unterricht schätzisch.
... Du äsn Unterrichtsvideo innerä Sproch suechsch, wo's suscht kai Material i derän Art git.

Diä DVD eignet sich eher nöd für Dich, wänn...
... Du Anfängerin bisch und d'Grundbewegigä vom Orientalischä Tanz lernä möchtsch.
... Du imenä Video ä komplätti Choreografie lärnä wötsch.
... Du Dich uusschliässlech für ägyptischä / türkischä Schtil interessiersch.

Geplant isch, dass diä DVD i dä folgendä Schprochä usächunnt: Dütsch, Änglisch, Französisch, Italiänisch, Spanisch, Schwiizerdütsch, Esperanto.

Duur: ca. 60 Minutä

Choschtä: Fr. 50.- / EUR 33.- / USD 40.- plus Porto.
(speziälli Kondizionä für Tanzschtudios uf Aafrog)